Дзень роднай мовы ў дзіцячым садку.
22.02.202421 лютага ў дзіцячым садку прайшоў дзень роднай мовы. Дзень выдаўся цікавым і пазнавальным.
Выхаванцы старэйшай групы №5пазнаёміліся з культурнай і нацыянальнай разнастайнасцю сваёй краіны, асаблівасцях знешняга выгляду людзей свайго народа, іх нацыянальнага адзення, традыцый, умовах жыцця.
Сёння дзень выхаванцаў старэйшай групы №2 пачаўся незвычайна. Бацькі і іх дзеці размаўлялі толькі на беларускай мове, потым бацькі падзяліліся з дзецьмі сваімі любімымі словамі па- беларуску. Зарадка адбылася з прагаворваннем слоў на беларускай мове да беларускіх народных гульняў " Іванка", "Свінка".
У выхаванцаў старэйшай групы №2 збылася мара - экскурсія ў бібліятэку. Там дзеці пазнаёміліся з прафесіяй бібліятэкара. Гаспадарыні бібліятэкі пагулялі ў гульню " Перакладчыкі", а потым распавядалі дзецям, колькі цікавых беларускіх казак можна знайсці на паліцах бібліятэкі.
Дзень роднай мовы ў выхаванцаў сярэдняй групы №6 пачаўся з распавяду пра творчасць беларускіх пісьменнікаў Янкі Купалы і Якуба Коласа.
Затым выхаванцы прынялі ўдзел у гульні "Літаратурнае падарожжа".На прыпынку "Загадкавы" сустрэліся з Дзедам Усяведам, які прапанаваў свае беларускія загадкі.
На прыпынку"Казачны" дзеці слухалі беларускую народную казку "Ліса і Цецярук".
Разам з Дзедам Усяведам на прыпынку "Гульнявая" гулялі ў беларускую народную гульню "У ката".
Дзень роднай мовы ў выхаванцаў сярэдняй групы №4 пачаўся з разглядванне выставы кніг на роднай мове.
Пазнаёміліся з беларускай пісьменніцай, Кацярынай Хадасевіч-Лісавая і з яе апавяданнем "Вухуцік".